واحد كيكي يزين يم الحلاق

هذا ولد من جماعة النزاكة كاعد يزين يم الحلاق:
$$

-هلو عمو شلونك

-هلو ابني شزينلك طاسة لو اكرع

-عمو انت شكاعد تحجي شنو هالقساوة

-ابني لعد شتريد تزين

-عمو اريد سبايكي وشوية الكذلة لتكصهة هواي اخاف يجي المكص يم كصتي

-ابني اني رجال عندي شغل شنو سبايكي وين بيتهم

-عمو شنو هالحجي ترة ازعل و اروح اضرب الحايط

-ومتضرب الحايط

-معقولة عمو يعني متزعل علي مو ختية

-ابني شبيك شارب شي دفضني شتريد تزين

-عمو مو كتلك سبايكي

-يابة اني ازين طاسة و اكرع انت شتريد

-عمو ترة انت هواي قاسي ترة اصيحلك بزونتي

-يمة خوفتني

-شنو متخاف من بزونتي ترة تخرمشك

-خلي تخرمشني

-لا عمو عفية زين اكو شعراية يم كذلتي كاعده تضوجني كل شوية ونازلة
ارفعه ماكو ترجع تنزل

-ابني شسويلك اني عندي شغل اكعد اكصلك شعراية شعراية

-ليش عمو انت شنو نوع مكينتك

-ابني شنو مكينة اني ازين بالمكص

-لا عفية اخاف على راسي ليتأذة متوقعتك هيجي قاسي لا عفية مستحيل

-اشطح منا

-شنو هاي الكلمات البذيئة عمو عود انت رجال جبير

-هسة انت شتريد ابني

-اريد ازين

-طاسة لو اكرع

-سبايكي

-خرب امشي اطلع منا!!

-عمو الطبلة مال اذني متتحمل نبرة صوتك القاسية
اني كلة اسمع اغاني رومانسية و اكعد بالحديقة واكل برتقال

-ابني اني شعلية بيك تزين لو لا

-اي عمو ازين

-طاسة لو اكرع

-سبايكي

-مات الحلاق

ودمتم سالمين هع

» قصيدة كتبها واحد متعقد من المكياج
» خلال اسبوع واحد .. مقتل واصابة 176 شخصا في حوادث مختلفة بمحافظة السليمانية
» فيلم الاكشن الخرافي كل ابطال افلام الاكشن في فيلم واحد The Expendables 2010