مجموعة ابوذيات حلوة

عطـش گلّبـي بمحبتـك - ماي يتاني
وبعـد ما اظن ينطـرك - ما يتاني
تعــال وشوف حالـــي مآيتاني
بس الروح گــوّه مچلبـــه بيه
-----------------------------
صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه
-----------------------------
احبك من صغر عودي وسني
ومن حبك سقط شعري وسني
على حالي بچه شيعي وسني
وثالثهم مسيحي يون عليه
-----------------------------
عليك الروح تجذبني واردهه
لان كلبي نبع صافي وردهه
شلون تغيب وانت اسمك وردهه
واردلك بالشعر غصبا عليه
----------------------------

سهم الدهر بين احشاي ينشل
جرحني والجرح هيهات ينشل
اريد النعش بيكم كون ينشال
وتهيلون التراب انتم عليه
---------------------------
الگلب من ساعة الحبك هلك ليش
احچي اوياك ما تحچي ها لك ليش
اقتنعو كل هلي ابحبك هلك ليش
ما قنعو ابحبك ليش اليه
--------------------------
حلاوة وطيب للياكل من تمرنه
نحب نسمع كلامك من تمرنه ( تأمرنه تتأمر علينه )
تميل البصره كلها من تمرنه
والك شط العرب ياخذ تحيه
-------------------------
ترقبـــــــــــــــــــــــــ كل جديدناــــــــــــــــــــــوا

» مجموعة نادرة من البرامج لن تجدها الا هنا